തിരുവനന്തപുരം: ചങ്ങനാശ്ശേരി മുന്‍ ആര്‍ച്ച് ബിഷപ്പ് മാര്‍ ജോസഫ് പൗവ്വത്തിലിന്റെ വേർപാടില്‍ എസ് ഡി പി ഐ സംസ്ഥാന ജനറൽ സെക്രട്ടറി റോയ് അറയ്ക്കൽ അനുശോചിച്ചു.
രണ്ട് പതിറ്റാണ്ടിലധികം കാലം ചങ്ങനാശേരി അതിരൂപതയുടെ സര്‍വതോന്മുഖമായ വളര്‍ച്ചക്കായി പ്രവര്‍ത്തിച്ച അദ്ദേഹം എന്നും സമാധാനത്തിന്റെയും സഹിഷ്ണുതയുടെയും സന്ദേശങ്ങൾ ഉയർത്തിപ്പിടിച്ചു. ആത്മീയ നേതാവ് എന്നതിലുപരി തികഞ്ഞ മതേതര വാദിയായിരുന്ന അദ്ദേഹത്തിന്റെ സാമൂഹിക ഇടപെടലുകൾ മാതൃകാപരമായിരുന്നു. സഭയുടെയും പൊതുസമൂഹത്തിന്റെയും ഗുണകാംക്ഷിയായിരുന്ന മാർ പൗവ്വത്തിൽ തിരുമേനിയുടെ സമഗ്ര സംഭാവനകൾ എന്നും സ്മരിക്കപ്പെടും.
കേരളത്തിലെ വിദ്യാഭ്യാസ രംഗത്തെ അദ്ദേഹത്തിൻ്റെ ഇടപെടലുകൾ അവിസ്മരണീയമാണ്.
അദ്ദേഹത്തിന്റെ വേർപാടിൽ വിശ്വാസികളുടെയും ഉറ്റവരുടെയും പൊതുസമൂഹത്തിന്റെയും ദുഃഖത്തിൽ പങ്കുചേരുന്നതായും റോയ് അറയ്ക്കൽ അനുശോചന സന്ദേശത്തിൽ പറഞ്ഞു.
