കൊച്ചി: എറണാകുളം ജില്ലയുടെ വിവിധ ഭാഗങ്ങളിൽ രാസവാതക ചോർച്ച. ഇതേ തുടർന്ന് പാചക വാതകത്തിന്റെ രൂക്ഷ ഗന്ധം പടർന്നു. ഇതോടെ കളമശേരി, കാക്കനാട്, ഇടപ്പള്ളി,കുസാറ്റ് മേഖലകളിൽ രൂക്ഷഗന്ധം അനുഭവപ്പെട്ടത്. ഇന്നലെ രാത്രി എട്ട് മണിക്ക് ശേഷമാണ് ഗന്ധം പരന്നത്.
അദാനി കമ്പനിയുടെ ഗ്യാസ് പൈപ്പുകളിലെ അറ്റക്കുറ്റപ്പണിക്കിടെ വാതകം ചോരുകയായിരുന്നു. പാചകവാതകത്തിന് ഗന്ധം നൽകുന്ന ടെർട്ട് ബ്യൂട്ടൈ മെർക്കപ്റ്റൺ ആണ് ചോർന്നത്. ഗന്ധം രൂക്ഷമായതോടെ പലർക്കും ദേഹാസ്വാസ്ഥ്യം ഉണ്ടായി.അപകടകരമായ വാതകമല്ല ചോർന്നതെന്നാണ് അധികൃതർ നൽകുന്ന വിശദീകരണം.
അർധരാത്രിയോടെ പലയിടത്തും രൂക്ഷമായി ഗന്ധം അനുഭവപ്പെട്ടു. പരിശോധനയിൽ ഗ്യാസ് പൈപ്പുകളിൽ ചോർച്ച വന്നതായി കണ്ടെത്തി. ശ്വാസം മുട്ടൽ അനുഭവപ്പെട്ടെന്നും ഇതിന് മുൻപ് ഇങ്ങനെ അനുഭവം ഉണ്ടായിട്ടില്ലെന്നും പ്രദേശവാസികൾ വ്യക്തമാക്കി.
Share This Post
