മെന്ദപ്പള്ളി: ഒഡിഷയില്‍ വീണ്ടും ട്രെയിൻ പാളം തെറ്റി. ഒഡിഷയിലെ ബാലസോറില്‍ ട്രെയിന്‍ അപകടമുണ്ടായി മൂന്നാം ദിവസമാണ് വീണ്ടും അപകടം ഉണ്ടായത്. ഗുഡ്സ് ട്രെയിനാണ് പാളം തെറ്റിയത്. ബാ‍ർഗഡിലാണ് ചരക്ക് ട്രെയിൻ പാളം തെറ്റിയത്. അഞ്ച് ബോഗികളാണ് മറി‍ഞ്ഞത്.
ചുണ്ണാമ്പുകല്ലുമായി പോയ ട്രെയിനാണ് അപകടത്തിലായതെന്നാണ് വിവരം. ആളപായമുണ്ടായിട്ടില്ല. അപകടത്തിന്‍റെ കാരണം എന്താണെന്നത് സംബന്ധിച്ച് വിശദമായ അന്വേഷണമുണ്ടാകും.
പ്ലാന്റിലേക്ക് സിമൻറ് കൊണ്ടുപോകുമ്പോഴാണ് പാളം തെറ്റിയത്. എന്നാൽ ആപകടം ഉണ്ടായത് സ്വകാര്യ റെയില്‍പാളത്തില്‍ ആണെന്ന് റെയില്‍വെ മന്ത്രാലയം അറിയിച്ചു. വാഗണുകളും ലോക്കോയും എല്ലാം സ്വകാര്യ കമ്പനിയുടേതാണ്. ഇതിന് റെയില്‍വെ മന്ത്രാലയവുമായി ബന്ധമില്ലെന്നും റെയില്‍വെ വിശദീകരിച്ചു.
ദുംഗ്രിയിലെ ചുണ്ണാമ്പ് കല്ല് ഖനിയെയും ബർഗഡിലെ എസിസി സിമന്‍റ് പ്ലാന്‍റിനെയും ബന്ധിപ്പിക്കുന്ന റെയിൽവേ ലൈനാണിത്.
