തിരുവനന്തപുരം: നിരവധി ബോംബേറ് കേസിലെ പ്രതിയായ ആറ്റിപ്ര സ്വദേശി അഖിലിനെ ( 22) ഗുണ്ടാ ആക്ടിൽ തുമ്പ പോലീസ് അറസ്റ്റ് ചെയ്തു. തിരുവനന്തപുരം ജില്ലയിലെ തുമ്പ, പേട്ട കഠിനംകുളം, കഴക്കൂട്ടം, അഞ്ചുതെങ്ങ്, കൊല്ലം ജില്ലയിലെ പാരിപ്പള്ളി അയിരൂർ എന്നീ പോലീസ് സ്റ്റേഷനുകളിലെ നിരവധി ബോംബേറ് കേസുകളിലെ പ്രതിയാണ് . അടി പിടി കൊലപാതക ശ്രമം കഞ്ചാവ് കച്ചവടം എന്നീ സാമൂഹിക വിരുദ്ധ പ്രവർത്തനങ്ങൾ നടത്തിയതിനാണ് കാപ്പ ചുമത്തിയത്.
പ്രതിയെ ഇന്ന് സ്റ്റേഷൻകടവ് ലക്ഷംവീട് കോളനിയിൽ നിന്നും തിരുവനന്തപുരം സിറ്റി ഡെപ്യൂട്ടി പോലീസ് കമ്മിഷണർ വി . അജിത് ഐ പി എസിന്റെ ഉത്തരവിൻ പ്രകാരം സൈബർ സിറ്റി അസിസ്റ്റന്റ് കമ്മീഷണർ പൃഥ്വിരാജിന്റെ നേതൃത്വത്തിൽ തുമ്പ പോലീസ് സ്റ്റേഷൻ ഇൻസ്പെക്ടർ എസ് .എച്ച്. ഒ ആർ. ശിവകുമാർ സബ് ഇൻസ്പെക്ടർ ദിനേശ് സിപിഒ മാരായ അജേഷ്, വിപിൻ, ബിനു എന്ന് ഉദ്യോഗസ്ഥർ അറസ്റ്റ് ചെയ്ത് സെൻട്രൽ ജയിലിൽ അടച്ചു.
