അമരവിള: എൽ എസ് ഡി സ്റ്റാമ്പ്, ഹാഷിഷ് ഓയിൽ, കഞ്ചാവ് എന്നിവയുമായി രണ്ട് യുവാക്കൾ കസ്റ്റഡിയിൽ. സംഭവവുമായി ബന്ധപ്പെട്ട് തമിഴ്നാട് തൂത്തുക്കുടി- നന്ദഗോപാലപുരം സ്വദേശി ജയശങ്കർ, കുഴിത്തുറ സ്വദേശി 34 വയസ്സുള്ള അജേഷ് എന്നീ പ്രതികളെ NDPS നിയമപ്രകാരം അറസ്റ്റ് ചെയ്തു. അമരവിള എക്സൈസ് റേഞ്ച് പാർട്ടി, നെയ്യാറ്റിൻകര-ഉദിയൻകുളങ്ങര നിന്നും പ്ലാമൂട്ടുക്കടയിലേക്ക് പോകുന്ന റോഡിൽ വെച്ച്, TN 69 BE 7889 എന്ന രജിസ്ട്രേഷൻ നമ്പരോടുകൂടിയ FORD FIGO TITANIUM TDCi എന്ന കാറിൽ നിന്നാണ് 0.104 gram എൽ എസ് ഡി സ്റ്റാമ്പ്, 8.467 gram ഹാഷിഷ് ഓയിൽ, 100 gram കഞ്ചാവ് എന്നിവ കടത്തിക്കൊണ്ടുവന്നത്.
തൊണ്ടിയായി ഈ കാർ, രണ്ടു മൊബൈൽ ഫോണുകൾ എന്നിവയും കണ്ടെടുത്തു. അമരവിള എക്സൈസ് റേഞ്ച് ഇൻസ്പെക്ടർ വി. എ. വിനോജിന്റെ നേതൃത്വത്തിലുള്ള പാർട്ടിയിൽ പ്രിവന്റീവ് ഓഫീസർമാരായ എ. മധു, ബി. വിജയകുമാർ, സിവിൽ എക്സൈസ് ഓഫീസർമാരായ ഇ. എ. അരുൺ, രാജേഷ്. ആർ. എസ്, നിഷാന്ത്. എ. എസ് എന്നിവർ ഉണ്ടായിരുന്നു
