കൊല്ലം: ഭാര്യയെ കഴുത്തറുത്ത് കൊലപ്പെടുത്താൻ ശ്രമം. സംഭവത്തിൽ യുവാവ് അറസ്റ്റിൽ. പത്തനാപുരത്താണ് സംഭവം നടന്നത്. മലപ്പുറം സ്വദേശി ഗണേഷാണ് അറസ്റ്റിലായത്. ആക്രമണത്തിൽ ഗുരുതരമായി പരുക്കേറ്റ കടശേരി സ്വദേശി രേവതിയെ ആശുപത്രിയിൽ പ്രവേശിപ്പിച്ചു.
സംഭവം നടന്നത് ഉച്ചയ്ക്ക് ഒന്നരയോടെയാണ്. യുവതിയെ ആക്രമിച്ചത് പത്തനാപുരം കെഎസ്ഇബിയുടെ ഓഫീസിനു മുന്നിൽ വെച്ചാണ്. ഇരുവരും ഒൻപത് മാസങ്ങൾക്കു മുമ്പാണ് വിവാഹിതരായത്. ഇരുവരും തമ്മിൽ പ്രശ്നങ്ങൾ ഉണ്ടായിരുന്നുവെന്നാണ് അറിയുന്നത്. തുടർന്ന് വിവാഹബന്ധം തുടർന്നു പോകാൻ താൽപര്യമില്ലെന്ന് പത്തനാപുരം പൊലീസ് സ്റ്റേഷനിലെത്തി യുവതി അറിയിച്ചിരുന്നു. സ്റ്റേഷനിൽ നിന്നും പോകും വഴി ഗണേഷ് രേവതിയെ പിന്തുടർന്ന് ആക്രമിക്കുകയായിരുന്നുവെന്നാണ് ദൃക്‌സാക്ഷികൾ പറയുന്നത്.
Share This Post
