തിരുവനന്തപുരം: വിദേശ ഉൽപ്പന്നങ്ങളും ബ്രാൻഡുകളും നമ്മെ പരിചയപ്പെടുത്തിയ സ്പെൻസർ എന്ന വാണിജ്യ ശൃംഖല അതിന്റെ പ്രവർത്തനം അവസാനിപ്പിക്കുകയാണ്. സാമ്പത്തിക നഷ്ടമാണ് കാരണം. കേരളത്തിലെ എല്ലാ ഔട്ട്ലെറ്റുകളും അടച്ചുപൂട്ടാനാണ് മാനേജ്മെന്റ് തീരുമാനിച്ചിരിക്കുന്നത്.
ഇതിന്റെ ഭാഗമായി തിരുവനന്തപുരം പാളയത്തെ സൂപ്പർമാർക്കറ്റിനു താഴ് വീണു. സാമ്പത്തിക നഷ്ടം ചൂണ്ടിക്കാണിച്ചാണ് സൂപ്പർമാർക്കറ്റ് ശൃംഖലയുടെ നടത്തിപ്പുകാരായ ഗോയങ്ക ഗ്രൂപ്പ് സ്ഥാപനം അടച്ചുപൂട്ടാൻ തീരുമാനമെടുത്തത്.
പ്രവർത്തനം അവസാനിപ്പിക്കുന്ന വിവരം തലേദിവസം ഉച്ചയോടെയാണ് ജീവനക്കാരും ഉപഭോക്താക്കളും അറിഞ്ഞത്.എല്ലാവരിലും ഇത് ഞെട്ടലുണ്ടാക്കി. ഇനി ആ സ്ഥലത്തിന് മാത്രമാകും സൂപ്പർമാർക്കെറ്റിന്റെ പേര് ചേർന്ന് വരുന്ന സ്പെൻസർ ജംഗ്ഷൻ എന്ന് ഉണ്ടാവുക.
Share This Post
