കാട്ടാക്കട: കാട്ടാക്കടയിൽ മധ്യവയസ്കനെ ബന്ധുക്കൾ മർദിച്ചു കൊന്നു. കാട്ടാക്കട കൊറ്റമ്പള്ളിയിലാണ് സംഭവം നടന്നത്. പൂവച്ചൽ കുറകോണം സ്വദേശി ജലജൻ (55) ആണ് കൊല്ലപ്പെട്ടത്. കൊറ്റമ്പള്ളിയിൽ മരണവീട്ടിലെത്തിയ ജലജനെയാണ് കരിങ്കല്ല് ഉപയോഗിച്ച് മർദിച്ച് കൊലപ്പെടുത്തിയത്.
ബന്ധുക്കളായ സാബു, സുനിൽ എന്നിവർ ചേർന്ന് ജലജന്റെ മുഖത്ത് കല്ലുകൊണ്ട് ക്രൂരമായി മർദിച്ചതാണ് മരണകാരണം. കുടുംബപ്രശ്നമാണ് കൊലപാതകത്തിന് കാരണമെന്നാണ് നിഗമനം. കാട്ടാക്കട പോലീസ് സംഭവ സ്ഥലത്തെത്തി അന്വേഷണം ആരംഭിച്ചു.
Share This Post
