കൊച്ചി: മുനമ്പത്ത് കടലില്‍ കാണാതായ രണ്ട് പേരുടെ മൃതദേഹം കണ്ടെത്തി. ഫൈബർ വെള്ളം മുങ്ങി കടലിൽ കാണാതായ 4 മത്സ്യ തൊഴിലാളികളിൽ 2 പേരുടെ മൃതദേഹമാണ് കണ്ടെത്തിയത്. മാലിപ്പുറം സ്വദേശി ശരത്തിന്റെയും മറ്റൊരാളുടെയും മൃതദേഹമാണ് കണ്ടെത്തിയത്. മറ്റ് രണ്ടുപേര്‍ക്കായി തിരച്ചില്‍ തുടരുന്നു.
ചെറുവള്ളത്തിൽ ചൂണ്ടയിൽ മീൻ പിടിക്കാൻ പോയവരാണ് മൃതദേഹങ്ങൾ കണ്ടെത്തിയത്. അഴിക്കോട് തീരത്തിന് സമീപത്തുവച്ചാണ് ഇവരുടെ മൃതദേഹം കണ്ടെത്തിയത്. അവര്‍ കോസ്റ്റല്‍ പൊലീസിനെ വിവരം അറിയിച്ചു. കണ്ടെത്തിയ മൃതദേഹം ശരത്തിന്റെതാണെന്ന് സ്ഥിരീകരിച്ചു.
വ്യാഴാഴ്ച വൈകിട്ട് 5 മണിയോടെയാണ് അപകടം സംഭവിച്ചത്. മീൻ കൊണ്ടുവരാനായി മാലിപ്പുറത്തു നിന്നും പോയ നന്മ എന്ന വള്ളമാണ് അപകടത്തിൽപെട്ടത്.
Share This Post
