തിരുവനന്തപുരം: വിഴിഞ്ഞം തുറമുഖ ഡയറക്ടറായി പത്തനംതിട്ട ജില്ലാ കലക്ടര്‍ ദിവ്യ എസ് അയ്യരെ നിയമിച്ചു. വിഴിഞ്ഞം തുറമുഖത്തിന്റെ ഉദ്ഘാടനം അടുത്തിരിക്കെയാണ് ഈ നീക്കം. അദീല അബ്ദുള്ളയായിരുന്നു നേരത്തെ എം ഡി സ്ഥാനത്ത് ഉണ്ടായിരുന്നത്. സോളിഡ് വേസ്റ്റ് മാനേജ്മെൻറ് പ്രൊജക്റ്റ് ഡയറക്ടറുടെ ചുമതലയും ദിവ്യ എസ് അയ്യര്‍ക്കാണ്.
അദീലയ്ക്ക് ഒട്ടേറെ വകുപ്പുകളുടെ ചുമതലയുള്ളതിനാല്‍ വിഴിഞ്ഞത്തിന്റെ ചുമതലയില്‍ നിന്നും മാറ്റുക മാത്രമാണ് ചെയ്തതെന്നാണ് പൊതുഭരണ വകുപ്പിന്റെ വിശദീകരണം. എന്നാൽ വിഴിഞ്ഞത്തില്‍ മാത്രം ചുമതല നല്‍കണമെന്നും മറ്റു അധിക ചുമതലകളില്‍ നിന്നും ഒഴിവാക്കണമെന്നും അദീല അബ്ദുള്ള സര്‍ക്കാരിനോട് ആവശ്യപ്പെട്ടിരുന്നു. കോഴിക്കോട് ,ആലപ്പുഴ, മലപ്പുറം, കണ്ണൂർ ,കൊല്ലം ജില്ലാ കളക്ടർമാക്കും മാറ്റമുണ്ട്.
Share This Post
