കഴക്കൂട്ടം: പൂ ചോദിച്ച് പൂക്കടയിൽ എത്തിയ കള്ളൻ വീട്ടമ്മയെ പക്കലിൽ നിന്ന് പണമടങ്ങിയ ബാഗ് തട്ടിയെടുത്ത് കടന്നു കളഞ്ഞു. കണിയാപുരം ആലുംമൂട് ജംഗ്ഷനിലുള്ള കാർത്തു ഫ്ളവർ മാർട്ടിൽ കഴിഞ്ഞ് ദിവസം പുലർച്ചെ ആറരയോടെയാണ് സംഭവം. പൂക്കടയിൽ നിന്നിരുന്ന പള്ളിപ്പുറം സ്വദേശിനി കമലമ്മയുടെ പണമാണ് അപകരിച്ചത്. തട്ടിയെടുത്ത ബാഗിൽ കഴിക്കാനുള്ള ഗുളികളും ആയിരം രൂപയും കണ്ണടയും ഉണ്ടായിരുന്നു.
പൂചോദിച്ച് കടയിൽ കയറിയപ്പോൾ പുറത്തിറങ്ങാൻ ആവശ്യപ്പെട്ടുവെങ്കിലും വീട്ടമ്മയെ പിടിച്ചു തള്ളിയ ശേഷമാണ് ബാഗുമായി രക്ഷപ്പെടുകയായിരുന്നു. കള്ളൻ കടയിൽ എത്തി പിടിച്ചു പറി നടത്തി രക്ഷപ്പെട്ടു പോകുന്ന രംഗം സമീപത്തെ കടയിലെ സിസിടിവിയിൽ പതിഞ്ഞിട്ടുണ്ട്.
ഓടി നടന്ന് കടകളിലും വാഹനങ്ങളിലും കയറി മൊബൈൽ ഫോണുകളും സിനിമ തീയേറ്ററിൽ കയറി സീറ്റിനടിയിൽ കൂടി ഇഴഞ്ഞ് നീങ്ങി കാഴ്ചക്കാരുടെ ബാഗുകളിൽ പണവും സാധനങ്ങളും അപകരിച്ചിരുന്ന മറ്റൊരു കള്ളനെ രണ്ടുദിവസം മുമ്പ് വെട്ടുറോഡ് തീയേറ്ററിൽ നിന്ന് ജീവനക്കാർ പിടികൂടി പൊലീസിൽ ഏൽപ്പിച്ചതിന് പിന്നാലെയാണ് കണിയാപുരത്തെ സംഭവവും.
