തിരുവനന്തപുരം: ദേശീയ പരിസ്ഥിതി കാമ്പയിനിൻ്റെ ഭാഗമായി സംഘടിപ്പിക്കുന്ന ഗ്രീൻ പാർലമെന്റിന്റെ ഉദ്ഘാടനം നിയമസഭാ സ്പീക്കർ എ എൻ ഷംസീർ ഉദ്ഘാടനം ചെയ്തു. സഭാ നടപടി ക്രമങ്ങളെ അറിയുന്നതിനും പാരിസ്ഥിതിക വിഷയങ്ങൾ ചർച്ച ചെയ്യുന്നതിനുമുള്ള മികച്ച സംരഭമാണ് ഗ്രീൻ അസംബ്ലിയെന്ന് സ്പീക്കർ.
മാലിന്യങ്ങൾ കുന്നു കൂടുകയും തെരുവ് നായ ശല്യം രൂക്ഷമാകുന്ന സാഹചര്യവും നമുക്ക് മുന്നിലുണ്ട്. മാലിന്യങ്ങൾ വലിച്ചെറിയുന്നവർക്കെതിരെ ശിക്ഷാനടപടികൾ സ്വീകരിക്കണം. കാലം തെറ്റി ചെയ്യുന്ന മഴയും പ്രളയവുമടക്കമുളള ദുരന്തങ്ങൾ കാലാവസ്ഥ വ്യതിയാനത്തിന്റെ ഭാഗമാണ്. ഇതിനെതിരെ പ്രതിരോധം തീർക്കാർ മികച്ച ബോധവൽക്കരണം നടത്തണമെന്നും സ്പീക്കർ പറഞ്ഞു.
സെക്രട്ടറിയേറ്റിലെ പഴയ നിയമസഭാ ഹാളിൽ നടന്ന ചടങ്ങിൽ വി കെ പ്രശാന്ത് എം എൽ എ അധ്യക്ഷത വഹിച്ചു. ചടങ്ങിൽ ഡോ.സി അനിൽകുമാർ, നിയമസഭാ സെക്രട്ടറി ഷാജി സി ബേബി വിദ്യാഭ്യാസ ഡപ്യൂട്ടി ഡയറക്ടർ ജെ തങ്കമണി എന്നിവർ പങ്കെടുത്തു.
