വെമ്പായം: തിരുവനന്തപുരം വെമ്പായത്ത് ആറു പേർക്ക് കടന്നൽ കുത്തേറ്റു. കയറ്റിറക്ക് തൊഴിലാളികൾക്കാണ് കുത്തേറ്റത്. കടന്നൽ കുത്തേറ്റ ആറു കയറ്റിറക്ക് തൊഴിലാളികളെ മെഡിക്കൽ കോളേജിൽ പ്രവേശിപ്പിച്ചു.വെമ്പായം ചാത്തൻപാട്ട് വച്ചാണ് അപകടം സംഭവിച്ചത്. ഇന്ന് രാവിലെ പത്തരയ്ക്കാണ് സംഭവം നടന്നത്.
ചാത്തൻപാട്ട് പണി നടന്നു കൊണ്ടിരിക്കുന്ന കെട്ടിടത്തിൽ സാധനങ്ങൾ ഇറക്കുകയായിരുന്ന തൊഴിലാളികൾക്ക് മേലെയാണ് കടന്നൽ കൂട് പതിച്ചത്. പരിക്കേറ്റ തൊഴിലാളികളെ ആദ്യം കന്യാകുളങ്ങര താലൂക് ആശുപത്രിൽ എത്തിച്ചു. തുടർന്ന് അവിടെ നിന്ന് മെഡിക്കൽ കോളജിലേക്ക് മാറ്റി.
Share This Post
