പ്രതിധ്വനി ഗെയിംസ് – ഔദ്യോഗിക ഉത്ഘാടനം മേയർ ശ്രീമതി ആര്യ രാജേന്ദ്രൻ നിർവഹിച്ചു

കഴക്കൂട്ടം: നൂറിലധികം ഐ ടി കമ്പനികളിൽ നിന്നുള്ള 1500 ലധികം ഐ ടി ജീവനക്കാർ പങ്കെടുക്കുന്ന ടെക്നോപാർക്കിന്റെ ഒളിമ്പിക്സ് – “പ്രതിധ്വനി ഗെയിംസ്”ൻറെ ഔദ്യോഗിക ഉത്ഘാടനം ആരാധ്യയായ മേയർ ശ്രീമതി ആര്യ രാജേന്ദ്രൻ ടെക്നോപാർക്ക് ക്ലബ്ബിൽ നിർവഹിച്ചു.

വോളീബോൾ, ബാസ്കറ്റ്ബോൾ, ബാഡ്മിന്റൺ, ടേബിൾ ടെന്നീസ്, ആം റെസ്‌ലിംഗ്, കാരംസ് , ചെസ്സ്, നീന്തൽ, 8 ബോൾ പൂൾ, ത്രോബോൾ എന്നീ 10 ഗെയിംസ് ഇനങ്ങളിൽ ആണ് മത്സരങ്ങൾ നടക്കുക.

പ്രതിധ്വനി വൈസ് പ്രസിഡന്റ്‌ സനീഷ് കെ പി അധ്യക്ഷൻ ആയ ചടങ്ങിൽ ഗെയിംസ് കൺവീനർ വിശാഖ് ഹരി സ്വാഗതം ആശംസിച്ചു. യൂഡി സി ഇ ഒ ശ്രീ നാഗരാജൻ, യൂഡി ഡയറക്ടർ സുജൻ ക്രിസ്റ്റോ, Yonex മാർക്കറ്റിങ് എക്സിക്യൂട്ടിവ് സത്യജിത്, പ്രതിധ്വനി സെക്രട്ടറി വിനീത് ചന്ദ്രൻ, പ്രസിഡന്റ്‌ വിഷ്ണു രാജേന്ദ്രൻ എന്നിവർ ആശംസകൾ അറിയിച്ചു. സ്പോർട്സ് ഫോറം കൺവീനർ രജിത് വി പി നന്ദി രേഖപ്പെടുത്തി.