ചിറയിൻകീഴ് : യൂത്ത് കോൺഗ്രസ് ചിറയിൻകീഴ് നിയോജക മണ്ഡലം കമ്മിറ്റിയുടെ ‘സ്നേഹസ്പർശം’ പദ്ധതിയുടെ ഭാഗമായി നടത്തിവരുന്ന പൊതിച്ചോറ് വിതരണ പരിപാടിയിൽ ഇന്ന് ചിറയിൻകീഴ് താലൂക്കാശുപത്രിയിൽ നടന്ന പൊതിച്ചോറ് വിതരണം മഹിളാ കോൺഗ്രസ് ചിറയിൻകീഴ് ബ്ലോക്ക് കമ്മിറ്റിയുടെ ആഭിമുഖ്യത്തിൽ നടന്നു.
മഹിളാ കോൺഗ്രസ് ചിറയിൻകീഴ് ബ്ലോക്ക് പ്രസിഡണ്ട് ജയന്തി കൃഷ്ണ വിതരണോദ്ഘാടനം നിർവഹിച്ചു. മഹിളാ കോൺഗ്രസ് നേതാക്കളായ ചിറയിൻകീഴ് ഗ്രാമപഞ്ചായത്തംഗം വി.ബേബി, കിഴുവിലം ഗ്രാമപഞ്ചായത്തംഗം സലീന റഫീഖ്, മഹിളാ കോൺഗ്രസ് കിഴുവിലം മണ്ഡലം പ്രസിഡണ്ട് വത്സലകുമാരി, ജനറൽ സെക്രട്ടറി ജയശ്രീ, ചിറയിൻകീഴ് മണ്ഡലം പ്രസിഡണ്ട് ഷുമ, ട്രഷറർ അജിത എനിവർ നേതൃത്വം നൽകി.
കോൺഗ്രസ് നേതാക്കളായ പെരുമാതുറ എസ്.എം.ഷഹീർ, കൂന്തള്ളൂർ മണ്ഡലം പ്രസിഡണ്ട് ബിജു, അനിൽ പുളിമൂട്, സജീവ് മുടപുരം, രാധാകൃഷ്ണൻ, ശിവകൃഷ്ണപുരം മോഹൻകുമാർ എന്നിവർ പങ്കെടുത്തു.
ചിറയിൻകീഴ് താലൂക്കാശുപത്രിയിലെ പൊതിച്ചോറ് വിതരണത്തിന്റെ ചാർജ് വഹിക്കുന്ന യൂത്ത് കോൺഗ്രസ് നിയോജക മണ്ഡലം ജനറൽ സെക്രട്ടറി സഹീർ സഫർ കൃതജ്ഞത രേഖപ്പെടുത്തി.
