എറണാകുളം: പടക്ക കടയ്ക്ക് തീ പിടിച്ചു. എറണാകുളം തൃപ്പൂണിത്തുറയിലെ തെക്കുംഭാഗത്തെ പടക്ക കടയ്ക്കാണ് തീപിടിച്ചത്. ഒരു സ്ത്രീ അടക്കം ആറു പേർക്ക് പരിക്കേറ്റു. ഇതിൽ രണ്ടു പേരുടെ നില ഗുരുതരമായി തുടരുകയാണ്. തീപിടിച്ച് ഉഗ്ര സ്ഫോടനമുണ്ടായതായി റിപ്പോർട്ട്. ഫയർ ഫോഴ്സ് എത്തി തീയണക്കാനുള്ള ശ്രമം തുടരുകയാണ്.
സ്ഫോടനത്തിൽ സമീപത്തെ വീടുകൾക്കും കേടുപാട് സംഭവിച്ചു. എത്ര പേർക്ക് പരുക്കേറ്റുവെന്ന വിവരം ഇതുവരെയും ലഭ്യമായിട്ടില്ല. 300 മീറ്റർ അപ്പുറത്തേക്ക് അവശിഷ്ടങ്ങൾ തെറിച്ചു വീണുവെന്നും വലിയ സ്ഫോടന ശബ്ദം കേട്ടതായും നാട്ടുകാർ പറയുന്നു.
Share This Post
