കായംകുളം: ഓടിക്കൊണ്ടിരുന്ന കെഎസ്ആര്‍ടിസി ബസിന് തീ പിടിച്ചു. കായംകുളത്താണ് സംഭവം നടന്നത്. എംഎസ്എം കോളേജിന് മുൻവശത്തായി ദേശീയപതയിലാണ് അപകടമുണ്ടായത്. അപകടത്തിൽ ബസ് പൂർണ്ണമായും കത്തി നശിച്ചു.
കായം കുളത്തു നിന്നും ആലപ്പുഴയ്ക്ക് പോവുകയായിരുന്ന ബസിനാണ് തീപിടിച്ചത്. അപകടത്തില്‍ ആര്‍ക്കും ആളപായമില്ല. ബസിന്റെ ഡീസൽ ടാങ്ക് ചോർന്നതാണ് അപകടകാരണം എന്നാണ് പുറത്തുവരുന്ന റിപ്പോർട്ട്.
ബസിൽ നിന്ന് മണം ഉയരുന്നത് ശ്രദ്ധയിൽപ്പെട്ട ഡ്രൈവർ അടിയന്തിരമായി ബസ് നിർത്തി ഉടൻതന്നെ യാത്രക്കാരെ പുറത്തേക്ക് ഇറങ്ങി. യാത്രക്കാരെ മുഴുവനും ഇറക്കിയതിനാൽ വൻ അപകടം ഒഴിവായി. പൊലീസും അഗ്നിശമന സേന ഉൾപ്പെടെയുള്ളവർ സംഭവസ്ഥലത്തെത്തി തീ അണയ്ക്കാൻ ശ്രമിക്കുകയാണ്.
Share This Post
