തിരുവനന്തപുരം: തിരുവനന്തപുരം വിഴിഞ്ഞത്ത് ടിപ്പറിൽ നിന്ന് കല്ല് തെറിച്ച് വീണ് പരിക്കേറ്റ വിദ്യാർത്ഥി മരിച്ചു. മുക്കോല സ്വദേശി അനന്തുവാണ് മരിച്ചത്. നിംസ് കോളേജിലെ നാലാം വർഷ ബി ഡി എസ് വിദ്യാർത്ഥിയായിരുന്നു. വിഴിഞ്ഞം മുക്കോല ജംഗ്ഷനിൽ വച്ചായിരുന്നു അപകടം നടന്നത്.
വിഴിഞ്ഞം തുറമുഖ പോർട്ടിലേക്ക് ലോഡുമായി വന്ന ലോറിയിൽ നിന്നാണ് കല്ല് വീണത്. സ്കൂട്ടറിൽ പോവുകയായിരുന്നു അനന്തുവിന്റെ ശരീരത്തിലേക്ക് കല്ല് തെറിച്ചു വീഴുകയായിരുന്നു. ഇന്ന് രാവിലെയാണ് തുറമുഖത്തിന് സമീപത്ത് വെച്ച് അപകടം സംഭവിച്ചത്. കൈയ്ക്കും തലയ്ക്കും ഗുരുതരമായി പരിക്കേറ്റിരുന്നു. ഗുരുതരമായി പരിക്കേറ്റ അനന്തു ആശുപത്രിയിൽ ചികിത്സയിൽ തുടരുന്നതിനിടെയാണ് മരണത്തിനു കീഴടങ്ങിയത്.
Share This Post
