തിരുവനന്തപുരം: മുഖ്യമന്ത്രി പിണറായി വിജയന്റെ മകൾ വീണാ വിജയൻ ഉൾപ്പെടെയുള്ളവർക്കെതിരായ മാസപ്പടിക്കേസിൽ നിലപാട് മാറ്റി മാത്യു കുഴൽനാടൻ എം എൽ എ. കോടതി നേരിട്ടു കേസെടുത്താൽ മതിയെന്നാണു കുഴൽനാടന്റെ പുതിയ ആവശ്യം. നേരത്തെ വിജിലൻസ് അന്വേഷണത്തിന് ഉത്തരവിടണമെന്നായിരുന്നു കുഴൽനാടൻ ആവശ്യപ്പെട്ടത്. എന്നാൽ ഇപ്പോൾ ആ തീരുമാനം മാറ്റിയിരിക്കുകയാണ്.
ഇന്ന് മാത്യു കുഴൽനാടൻ സമർപ്പിച്ച ഹർജി പരിഗണിക്കാനിരിക്കെയാണ് പുതിയ ആവശ്യവുമായി മാത്യു കുഴൽനാടൻ രംഗത്തെത്തിയത്. എന്നാൽ ഏതെങ്കിലും ഒന്നിൽ ഉറച്ച് നിൽക്കൂവെന്ന് തിരുവനന്തപുരം വിജിലന്സ് കോടതി മാത്യു കുഴൽനോട് പറഞ്ഞു.
തുടർന്ന് ഹർജി ഉത്തരവ് പറയാൻ 12 ലേക്ക് മാറ്റി. മുഖ്യമന്ത്രിക്കും മകൾക്കുമെതിരെ ഫെബ്രുവരി 29 നാണു മാത്യു കുഴൽനാടൻ എംഎൽഎ ഹർജി സമർപ്പിച്ചത്.
Share This Post
