തിരുവനന്തപുരം: പ്രധാനമന്ത്രി നരേന്ദ്ര മോദി തിങ്കളാഴ്ച്ച തിരുവനന്തപുരത്തെത്തും. ലോക്‌സഭാ ഇലക്ഷൻ പ്രചരണത്തിനായി കാട്ടാക്കടയിലാണ് മോദി എത്തുക. കാട്ടാക്കട ക്രിസ്ത്യൻ കോളേജ് ഗ്രൗണ്ടാണ് വേദി. മോദിയെ സ്വീകരിക്കുന്നതിനായി കാട്ടാക്കടയിൽ ഒരുക്കങ്ങൾ തകൃതിയായി മുന്നേറുകയാണ്.
തിരുവനന്തപുരത്തെയും ആറ്റങ്ങലിലെയും എൻഡിഎ സ്ഥാനാർത്ഥികളായ വി.മുരളീധരൻ, രാജീവ് ചന്ദ്രശേഖർ എന്നിവർ പ്രധാനമന്ത്രിക്കൊപ്പം വേദി പങ്കിടും. രാവിലെ11:30യ്ക്കാണ് പ്രധാനമന്ത്രി കാട്ടാക്കട എത്തുക.
പങ്കജകസ്തൂരി ആയുർവേദ മെഡിക്കൽ കോളേജ് മൈതാനത്തിൽ ഹെലികോപ്റ്ററിലാണ് മോഡി വന്നിറങ്ങുക. അവിടെ നിന്ന് പ്രധാനമന്ത്രി റോഡുമാർഗമാണ് കോളേജ് മൈതാനിയിലേക്ക് എത്തുക. ഒരുലക്ഷത്തോളം പ്രവർത്തകർ പൊതുയോഗത്തിനെത്തുമെന്ന് പ്രതീക്ഷിക്കുന്നതായും സംഘാടകർ പറഞ്ഞു.
Share This Post
