സിഡ്നി: ഓസ്ട്രേലിയയിലെ സിഡ്നിയിൽ ഷോപ്പിങ് മാളിൽ ആക്രമണം. ആക്രമണത്തിൽ ആറ് പേർ കൊല്ലപ്പെട്ടു. ഇതിൽ ഒരു പ്രതിയും ഉൾപ്പെടുന്നു. സിഡ്‌നിയിലെ ബോണ്ടി ജംഗ്ഷനിലെ വെസ്റ്റ്ഫീൽഡ് ഷോപ്പിംഗ് സെൻ്ററിലാണ് ആക്രമണം നടന്നത്.
കത്തിയുമായെത്തിയ അക്രമി മാളിലുണ്ടായിരുന്ന ആളുകളെ കുത്തുകയായിരുന്നു. അക്രമിയെ പോലീസ് വെടിവെച്ച് കൊന്നു. നിരവധിപേര്‍ക്ക് ആക്രമണത്തില്‍ കുത്തേറ്റതായാണ് റിപ്പോര്‍ട്ട്. പൊലീസ് സ്ഥലത്തെത്തി പരിക്കേറ്റവരെ ആശുപത്രിയിലേക്ക് മാറ്റുകയാണ്.
കുത്തേറ്റവരിൽ ഒരു കൈക്കുഞ്ഞുൾപ്പെടെയുള്ളവർ ഉണ്ടായിരുന്നു. മാളിൽ നടന്നത് ഭീകരാക്രമണമാണെന്നാണ് സൂചന. പ്രാദേശിക സമയം ശനിയാഴ്ച വൈകിട്ടോടെയാണ് ആക്രമണം ഉണ്ടായത്.
Share This Post
