തിരുവനന്തപുരം: തിരുവനന്തപുരം മാനവീയം വീഥിയിൽ വീണ്ടും സംഘര്‍ഷം. യുവാവിന് വെട്ടേറ്റു. ഇന്നലെ രാത്രിയാണ് സംഭവം നടന്നത്. ചെമ്പഴന്തി ധനു കൃഷ്ണനാണ് വെട്ടേറ്റത്. കഴുത്തിനാണ് ഇയാൾക്ക് വെട്ടേറ്റത്. ധനു കൃഷ്ണയെ ഗുരുതര പരിക്കുകളൊടെ തിരുവനന്തപുരം മെഡിക്കൽ കോളേജ് ആശുപ്രത്രിയിൽ പ്രവേശിപ്പിച്ചിരിക്കുകയാണ്.
റീൽസ് എടുക്കുന്നതുമായി ബന്ധപ്പെട്ട തർക്കമാണ് സംഘർഷത്തിൽ കലാശിച്ചതെന്നാണ് പുറത്തുവരുന്ന റിപ്പോർട്ട്. മദ്യലഹരിയിലായിരുന്ന 2 സംഘങ്ങൾ തമ്മിൽ ഏറ്റുമുട്ടുകയായിരുന്നു. പൂജപ്പുര സ്വദേശി ഷെമീറാണ് യുവാവിനെ വെട്ടിയത്. ഷെമീറും ഒപ്പമുണ്ടായിരുന്ന പെൺകുട്ടിയും മ്യൂസിയം പൊലീസിന്റെ കസ്റ്റഡിയിലാണ്.
Share This Post
