ഇടുക്കി: മൂന്നാറിലെ ജനവാസമേഖലയിൽ കടുവക്കൂട്ടം ഇറങ്ങി. ജനങ്ങളെ ഭീതിയിലാഴ്ത്തി മൂന്ന് കടുവകളാണ് പ്രദേശത്ത് എത്തിയത്. കന്നിമല ലോവർ ഡിവിഷനിലെ തേയിലതോട്ടത്തിലാണ് കടുവകളെ കണ്ടത്. തോട്ടം തൊഴിലാളികളാണ് കടുവകളെ കണ്ടത്. തേയിലതോട്ടത്തിലൂടെ കടുവകൾ നടന്നുപോകുന്ന ദൃശ്യങ്ങളും പുറത്തുവന്നിട്ടുണ്ട്.
ഇത് രണ്ടാം തവണയാണ് ഈ പ്രദേശത്ത് കടുവ ഇറങ്ങുന്നത്. കടുവകൾ സ്ഥിരമായി ഈ മേഖലയിൽ എത്താറുണ്ടെന്നും ഇത് ഏറെ പരിഭ്രാന്തിയാണ് സൃഷ്ടിക്കുന്നതെന്നുമാണ് പ്രദേശവാസികൾ പറയുന്നത്. മാത്രമല്ല കഴിഞ്ഞ ഒരു വർഷത്തിനിടെ 100 കണക്കിന് വാർത്തുമൃഗങ്ങളാണ് കടുവയുടെ ആക്രമണത്തിന് ഇരയായത്.
Share This Post
