കോട്ടയം: ഓടിക്കൊണ്ടിരുന്ന ട്രാവലറിന് തീ പിടിച്ചു. ഈരാറ്റുപേട്ട വാഗമൺ റോഡിലാണ് അപകടം നടന്നത്. അപകടത്തില്‍ ആളപായമൊന്നും റിപ്പോർട്ട് ചെയ്തിട്ടില്ല. ഒരു കുടുംബം സഞ്ചരിച്ച വാഹനത്തിനാണ് തീ പിടിച്ചത്. തീ പടരുന്നത് ശ്രദ്ധയിൽപ്പെട്ട ഉടൻ തന്നെ വാഹനത്തിൽ ഉള്ളവർ ഇറങ്ങി ഓടിയതുകൊണ്ടാണ് ആളപായം ഒഴിവായത്.
മൂവാറ്റുപുഴ ഭാഗത്ത് നിന്നും വാഗമൺ സന്ദർശിക്കാനാണ് കുടുംബം യാത്രതിരിച്ചത്. തീക്കോയി ഒറ്റയീട്ടിക്ക് സമീപം വച്ചാണ് അപകടം സംഭവിച്ചത്. കയറ്റം കയറുന്നതിനിടെ വാഹനം നിന്നുപോവുകയും പെട്ടെന്ന് തീയും പുകയും ഉയരുകയും ചെയ്തു. തുടർന്ന് ഉടൻ തന്നെ വാഹനത്തിനുള്ളിൽ ഉണ്ടായിരുന്നവർ പുറത്തു ഇറങ്ങുകയായിരുന്നു. സംഭവം കണ്ട് ഓടിയെത്തിയ നാട്ടുകാരും ഈരാറ്റുപ്പെട്ട ഫയർഫോഴ്‌സ് സംഘവും ചേർന്നാണ് തീ കെടുത്തിയത്. വാഹനം ഭാഗീകമായി കത്തിനശിച്ചു.
Share This Post
