എറണാകുളം: എറണാകുളം മഹാരാജാസ് കോളെജിൽ കെഎസ്യു പ്രവർത്തകന് നേരേ ആക്രമണം. എസ്എഫ്ഐ പ്രവർത്തകരാണ് ആക്രമിച്ചത്. ഇന്നലെ രാത്രിയാണ് സംഭവം നടന്നത്. മൂന്നാം വർഷ ബികോം വിദ്യാർത്ഥിയും യൂണിയൻ പ്രതിനിധിയുമായ അഫാമിനാണ് മർദനമേറ്റത്.
ഇന്നലെ രാത്രി കോളേജ് ഹോസ്റ്റലിന് സമീപത്ത് ചായ കുടിക്കാൻ പോയ അഫാമിനെ ബൈക്കിലെത്തിയ എസ്എഫ്ഐ പ്രവർത്തകർ ക്രൂരമായി ആക്രമിക്കുകയായിരുന്നു. കത്തികൊണ്ട് മുഖത്ത് പരുക്കേൽപ്പിക്കുകയും ഹോളോബ്രിക്സ് ഉപയോഗിച്ച് ശരീരമാസകലം അടിച്ച് പരുക്കേൽപ്പിക്കുകയും ചെയ്തു.
സംഭവത്തിൽ പോലീസ് കേസ് രജിസ്റ്റർ ചെയ്തു. ചെയ്തതായാണ് പരാതി. 8 എസ്എഫ്ഐ പ്രവർത്തകർക്കെതിരെയാണ് കേസെടുത്തത്. ഇതിൽ എസ്എഫ്ഐ നേതാവ് നന്ദകുമാറും ഉൾപ്പെടുന്നു. വധശ്രമം അടക്കമുള്ള വകുപ്പുകൾ ചേർത്താണ് പൊലീസ് കേസെടുത്തത്.
Share This Post
