മുതലപ്പൊഴി : മുതലപ്പൊഴിയിൽ അജ്ഞാത മൃതദ്ദേഹം കണ്ടെത്തി. മുതലപ്പൊഴി കടലിലാണ് മധ്യവയസ്കനെ മരിച്ച നിലയിൽ കണ്ടെത്തിയത്. അഴിമുഖത്തിന് നേരെ ഒഴുകി കിടക്കുന്ന നിലയിലായിരുന്നു മൃതദ്ദേഹം.
ഇന്ന് രാവിലെ എട്ടു മണിയോടെയാണ് മൃതദേഹം കണ്ടെത്തിയത്. മത്സ്യബന്ധനത്തിനായി കടലിൽ പോയ തൊഴിലാളികളാണ് മൃതദേഹം ആദ്യം കണ്ടത്. ഉടൻ തന്നെ അഞ്ചുതെങ്ങ് കോസ്റ്റൽ പോലീസിനെ വിവരമറിയിക്കുകയായിരുന്നു.
മൃതദേഹം മറ്റ് നടപടികൾക്കായി ചിറയിൻകീഴ് താലൂക്കാശുപത്രിയിലേക്ക് മാറ്റിയെന്നും കൂടുതൽ അന്വേഷണം ആരംഭിച്ചതായും അഞ്ചുതെങ്ങ് കോസ്റ്റൽ പോലീസ് അറിയിച്ചു. മൃതദേഹം പള്ളിക്കൽ പോലീസ് സ്റ്റേഷൻ പരിധിയിൽ നിന്നും കാണാതായ ആളുടേതാണെന്നാണ് സംശയം.
Share This Post
