തിരുവനന്തപുരം: മുഖ്യമന്ത്രിയുടെ വിദേശ യാത്ര തന്നെ അറിയിച്ചില്ലെന്ന് ഗവര്‍ണര്‍ ആരിഫ് മുഹമ്മദ് ഖാന്‍. മാധ്യമങ്ങൾ വഴിയാണ് മുഖ്യമന്ത്രിയുടെ യാത്രയെ പറ്റി അറിഞ്ഞത്‌. യാത്രയെ കുറിച്ച് മാധ്യമങ്ങൾ അറിയിച്ചതിന് നന്ദിയെന്നും ഗവർണർ.
രാജ്ഭവനെ ഇരുട്ടിൽ നിർത്തുന്ന നിലപാടാണ് സംസ്ഥാന സര്‍ക്കാര്‍ സ്വീകരിക്കുന്നതെന്നും ഇതിനു മുൻപും രാജ്ഭവനെ അറിയിക്കാതെയാണ് മുഖ്യമന്ത്രി വിദേശ യാത്രകൾ നടത്തിയതെന്നും ഗവർണർ ആരോപിച്ചു. ഇത് സംബന്ധിച്ച് നേരത്തെ രാഷ്ട്രപതിയെ കത്തയച്ച് അറിയിച്ചിരുന്നുവെന്നും ആരിഫ് മുഹമ്മദ് ഖാന്‍ പറഞ്ഞു.
12 ദിവസം നീണ്ടുനില്‍ക്കുന്നതാണ് മുഖ്യമന്ത്രിയുടെ വിദേശ യാത്ര. മെയ് ആറിനാണ് മുഖ്യമന്ത്രി യാത്ര തിരിച്ചത്. ഇന്തോനേഷ്യ, സിംഗപ്പൂര്‍, യുഎഇ എന്നിവിടങ്ങളിലാണ് മുഖ്യമന്ത്രി സന്ദര്‍ശനം നടത്തുക.
Share This Post
