തിരുവനന്തപുരം: തലസ്ഥാന നഗരിയെ ഞെട്ടിച്ച കരമന അഖിൽ കൊലപാതക കേസിൽ ഒരാൾ പിടിയിൽ. അനീഷ് എന്നയാളാണ് പിടിയിലായത്. ബാലരാമപുരത്തുനിന്നാണ് ഇയാളെ കരമന പോലീസ് പിടികൂടിയത്. അഖിലിനെ കൊലപ്പെടുത്താൻ എത്തിയ ഇന്നോവ വാഹനം ഓടിച്ചത് അനീഷാണ്.
ഒളിവിൽ കഴിഞ്ഞിരുന്ന അനീഷ് മറ്റൊരു സ്ഥലത്തേക്ക് ഒളിവിൽ പോകാൻ തയ്യാറെടുക്കുന്നതിനിടെയായിരുന്നു പോലീസ് പിടിയിലായത്. മുഖ്യപ്രതികളെ ഉടൻ പിടികൂട്ടുമെന്നാണ് പോലീസ് വ്യക്തമാക്കുന്നത്. പ്രതികളെ വേഗം പിടികൂടണമെന്ന് തിരുവനന്തപുരം സിറ്റി പൊലീസ് കമ്മിഷണർ നിർദേശം നൽകി.
ഇന്നലെയാണ് കരമന സ്വദേശി അഖിലിനെ കാറിലെത്തിയ സംഘം ആക്രമിച്ച് കൊലപ്പെടുത്തിയത്. അതിക്രൂരമായിട്ടാണ് ഇവർ കൃത്യം നടത്തിയത്. അഖിൽ, വിനീത്, സുമേഷ് എന്നിവരാണ് കേസിലെ പ്രതികളെന്ന് പോലീസ് നേരത്തെ കണ്ടെത്തിയിരുന്നു.
Share This Post
