തിരുവനന്തപുരം: തിരുവനന്തപുരം മെഡിക്കൽ കോളെജിൽ യുവാവിന് ക്രൂരമർദനമേറ്റതായി റിപ്പോർട്ട്. ഇന്നലെ ഉച്ചയോടെയാണ് സംഭവം നടന്നത്. വിളപ്പിൽശാല സ്വദേശി അനന്ദുവിനാണ് മർദനമേറ്റത്. മെഡിക്കൽ കോളെജ് പരിസരത്തു തന്നെയുള്ളവരാണ് യുവാവിനെ മർദിച്ചതെന്നാണ് പുറത്തുവരുന്ന വിവരം.
അക്രമത്തിന്റെ ദൃശ്യങ്ങളും പുറത്തുവന്നു. രണ്ടു പേർ ചേർന്ന് തടി അടക്കമുള്ളവ ഉപയോഗിച്ച് യുവാവിനെ മർദിക്കുന്നതു ദൃശ്യങ്ങളിൽ നിന്ന് വ്യക്തമാണ്. സംഭവത്തിൽ മെഡിക്കൽ കോളേജ് പോലീസ് കേസ് രജിസ്റ്റർ ചെയ്‌ത്‌ അന്വേഷണം ആരംഭിച്ചു.
അനന്തു കഴിഞ്ഞ കുറച്ചു ദിവസങ്ങളായി വീട്ടിൽ നിന്ന് പിണങ്ങി മാറി നിൽക്കുകയാണെന്ന് പൊലീസ് പറയുന്നു. ഇയാൾ വീട് വിട്ട് ഇറങ്ങിയതിനു പിന്നാലെ ആശുപത്രി പരിസരത്ത് തന്നെ കഴിയുകയായിരുന്നു. അവിടെ നിന്നാണ് ആഹാരവും കഴിച്ചിരുന്നത്.
Share This Post
