തൃശൂർ: തൃശ്ശൂരിൽ കെ എസ് ആർ ടി സി ബസ് അപകടത്തിൽപ്പെട്ടു. ഇന്ന് പുലർച്ചെയാണ് അപകടം നടന്നത്. അപകടത്തിൽ 3 യാത്രക്കാർക്ക് പരുക്കേറ്റു. കൂടാതെ ബസിടിച്ച് ശക്തൻ തമ്പുരാന്‍റെ പ്രതിമയും തകർന്നു. കെഎസ്ആര്‍ടിസിയുടെ ലോ ഫ്ലോര്‍ ബസാണ് നിയന്ത്രണം വിട്ട് അപകടത്തിൽപ്പെട്ടത്.
ഇരുമ്പുവേലി തകർത്താണ് ബസ് പ്രതിമയുടെ നേരെ ഇടിച്ചു കയറിയത്. ഇടിയുടെ ആഘാതത്തിൽ പ്രതിമ താഴെ വീണു. എതിരെ വന്ന വാഹനത്തെ ഇടിക്കാതിരിക്കാനായി വണ്ടി വെട്ടിച്ചപ്പോഴാണ് അപകടമുണ്ടായത്.
അപകടത്തിൽ പരിക്കേറ്റവരെ ആശുപത്രിയിൽ പ്രവേശിപ്പിച്ചു. ആരുടെയും പരിക്ക് ഗുരുതരമല്ലെന്നാണ് വിവരം. കോഴിക്കോട്ടേക്ക് പോവുകയായിരുന്ന ബസാണ് അപകടത്തിൽപെട്ടത്.
Share This Post
