കഴക്കൂട്ടം: കഴക്കൂട്ടത്ത് ബിയർ പാർലറിൽ നടന്ന സംഘർഷത്തിൽ ഒന്നാം പ്രതി പിടിയിൽ. കുറക്കട കൊച്ചാലുംമൂട് ശ്രീനന്ദനത്തിൽ അഭിജിത്ത് ( 24) നെയാണ് കഴക്കൂട്ടം പോലീസ് അറസ്റ്റ് ചെയ്തത്.
ഏപ്രിൽ 20 നാണ് കേസ് ആസ്പദമായ സംഭവം നടന്നത്. ടെക്നോപാർക്കിന് എതിർവശത്തെ ബി സിക്സ് ബിയർ പാർലറിലാണ് സംഘർഷം നടന്നത്. അഭിജിത്തിന്റെ നേതൃത്വത്തിൽ എട്ടുപേര് അടങ്ങുന്ന സംഘമാണ് പാർലറിൽ എത്തിയത്. ചെമ്പകമംഗലം സ്വദേശി അക്ബറിന്റെ ജന്മദിനം ആഘോഷിക്കാൻ എത്തിയ ഒമ്പതംഗ സംഘവും ഇതേ പാർലറിൽ മദ്യപിച്ചുകൊണ്ടിരുന്ന നാല് പേരും ചേർന്ന് ജന്മദിന ആഘോഷം നടത്തുന്നതിനിടയിൽ കേക്ക് ആര് ആദ്യം മുറിക്കും എന്ന് വിഷയത്തിൽ നടന്ന തർക്കമാണ് സംഘർഷത്തിൽ കലാശിച്ചത്.
2021ൽ ചിറയിൻകീഴ് മുടപുരത്ത് അജിത്ത് കൊലക്കേസിലെ ഒന്നാം പ്രതിയാണ് അഭിജിത്ത്. കഴക്കൂട്ടത്തെ ഒരു ജിമ്മിൽ ട്രെയിനറായി ജോലി നോക്കി വരികയായിരുന്നു അഭിജിത്ത്.
Share This Post
