തിരുവനന്തപുരം : തിരുവനന്തപുരം ദേശീയ പാതയിൽ അപകടം. അപകടത്തിൽ കോവളം സ്വദേശിക്ക് ദാരുണാന്ത്യം. ദേശീയ പാതയിൽ വെൺപാലവട്ടത്താണ് സംഭവം നടന്നത്. കോവളം സ്വദേശിനിയും സഹോദരിയും കുഞ്ഞും സ്കൂട്ടറിൽ പോകുന്നതിന്റെ വാഹനത്തിന്റെ നിയന്ത്രണം വിട്ട് അപകടം സംഭവിക്കുകയായിരുന്നു.
ഇന്ന് ഉച്ചയ്ക്ക് ഒരു മണിയോടെയാണ് സംഭവം നടന്നത്. കുഞ്ഞടക്കം 3 പേർ മേൽപ്പാലത്തിൽ നിന്ന് താഴെയുളള സർവ്വീസ് റോഡിലേയ്ക്ക് വീണു. അപകടത്തിൽ കോവളം വെള്ളാർ സ്വദേശിനി സിമി (35) മരിച്ചു. സിമിയുടെ മകള്‍ മൂന്ന് വയസുളള ശിവന്യ , സഹോദരി സിനി (32) എന്നിവര്‍ക്ക് പരിക്കേറ്റു.
ഇവരെ സമീപത്തെ സ്വകാര്യ ആശുപത്രിയിലേക്ക് മാറ്റി. സിമിയെ അപകടമുണ്ടായ ഉടന്‍ ആശുപത്രിയിലെത്തിച്ച് തീവ്രപരിചരണ വിഭാഗത്തിലേക്ക് മാറ്റിയെങ്കിലും ജീവന്‍ രക്ഷിക്കാനായില്ല.
Share This Post
