തിരുവനന്തപുരം: തിരുവനന്തപുരം വെൺപാലവട്ടത്ത് സ്കൂട്ടറിൽ നിന്നും വീണ് കോവളം സ്വദേശിനി മരിച്ച സംഭവത്തിൽ യുവതിയുടെ സഹോദരിക്കെതിരെ കേസെടുത്ത് പോലീസ്. അശ്രദ്ധമായും അമിത വേഗത്തിലും വാഹനമോടിച്ചതാണ് അപകട കാരണമെന്ന് ചൂണ്ടിക്കാണിച്ചാണ് പോലീസ് കേസ് രജിസ്റ്റർ ചെയ്തത്.
പേട്ട പൊലീസാണ് സിനിക്കെതിരെ കേസെടുത്തിരിക്കുന്നത്. സഹോദരി സിനിയ്ക്കെതിരെയാണ് കേസ് ഫയൽ ചെയ്തത്. ദീർഘ ദൂര യാത്രയിലായിരുന്നു ഇവരെന്നും മഴ പെയ്യുന്നതിനു മുൻപ് പെട്ടെന്ന് വീട്ടിലെത്താൻ വേണ്ടി അമിത വേഗത്തിലായിരുന്നു വാഹനം ഓടിച്ചതെന്നുമാണ് പ്രാഥമിക മൊഴിയായി രേഖപ്പെടുത്തിയിരിക്കുന്നത്. ഉറങ്ങിപോയതാകാം അപകട കാരണമെന്നാണ് പോലീസ് നിഗമനം.
ഇന്നലെ ഉച്ചയ്ക്കാണ് സംഭവം നടന്നത്. അപകടത്തിൽ സിനിയുടെ സഹോദരി സിമി മരിച്ചിരുന്നു. ഇവരുടെ കൂടെ സിമിയുടെ നാലുവയസുകാരിയായ മകളും ഉണ്ടായിരുന്നു. സിനിയും കുഞ്ഞും പരിക്കേറ്റ് ചികിത്സയിലാണ്.
