തിരുവനന്തപുരം: തിരുവനന്തപുരത്ത് അമ്മയും മകളും മരിച്ച നിലയിൽ. തിരുവനന്തപുരം പാലോടാണ് സംഭവം. അമിതമായി ഗുളിക കഴിച്ചതാണ് മരണകാരണമെന്നാണ് പ്രാഥമിക നിഗമനം. പാലോട് ചെല്ലഞ്ചി ഗീതാലയത്തിൽ സുപ്രഭ (88), ഗീത (59) എന്നിവരെയാണ് മരിച്ച നിലയിൽ കണ്ടെത്തിയത്. ആത്മഹത്യ ആണെന്നാണ് വിവരം.
ഇന്ന് രാവിലെ 8:30 ഓടെയാണ് ഇവരുടെ മൃതദേഹങ്ങൾ കണ്ടത്. ഗീതയുടെ മൃതദേഹം വീടിൻ്റെ ഹാളിലും സുപ്രഭയുടെ മൃതദേഹം മുറിക്ക് ഉള്ളിൽ നിന്നുമാണ് കണ്ടെത്തിയത്. മാനസിക സമ്മർദ്ദം മൂലമാകും ഇവരുടെ ആത്മഹത്യ എന്നാണ് ബന്ധുക്കൾ പറയുന്നത്. പോലീസ് ഇൻക്വസ്റ്റ് നടപടികൾ പൂർത്തിയാക്കി.
സംഭവം നടക്കുമ്പോൾ ഗീതയുടെ ഭർത്താവ് വത്സലൻ വീട്ടിൽ ഉണ്ടായിരുന്നു. എന്നാൽ ഇയാൾ ഇത് അറിഞ്ഞിരുന്നില്ല.
Share This Post
