തിരുവനന്തപുരം: വിഴിഞ്ഞം തുറമുഖത്ത് നിന്ന് സാൻ ഫർണാണ്ടോ കപ്പലിന്റെ മടക്ക യാത്ര വൈകാൻ സാധ്യതയെന്ന് റിപ്പോർട്ട്. കപ്പലിൽ നിന്നും വളരെ പതുക്കെയാണ് കണ്ടെയ്നറുകൾ ഇറക്കുന്നത്. ട്രയൽ റൺ ആരംഭിച്ചതാണ് ചരക്കുകൾ ഇറക്കാൻ വൈകുന്നത്. ഇതിനാൽ കൂടുതൽ സമയം ചരക്കിറക്കത്തിന് വേണ്ടിവരുമെന്നാണ് അധികൃതർ പറയുന്നത്.
നാളെ ആയിരിക്കും കപ്പലിന്റെ മടക്കയാത്ര. 1000 ത്തോളം കണ്ടെയ്നറുകൾ ഇതുവരെ ഇറക്കി. 1930 കണ്ടെയ്നറുകളുമായിട്ടാണ് കപ്പൽ കഴിഞ്ഞ ദിവസം വിഴിഞ്ഞത്ത് എത്തിയത്. കപ്പൽ മടങ്ങുന്നത് അനുസരിച്ച് വിഴിഞ്ഞത്ത് ഇറക്കിയ കണ്ടെയ്നറുകൾ കൊണ്ടുപോകാൻ ഫീഡർ കപ്പൽ എത്തും.
Share This Post
