തിരുവനന്തപുരം: തിരുവനന്തപുരം ശ്രീചിത്ര ഇൻസ്റ്റിറ്റ്യൂട്ടിൽ ആദ്യ ഹൃദയം മാറ്റിവയ്ക്കല്‍ ശസ്ത്രക്രിയ നടക്കുന്നു. സര്‍ക്കാര്‍ മേഖലയില്‍ ഹൃദയ മാറ്റം നടക്കുന്ന രണ്ടാമത്തെ സ്ഥാപനമാണിത്. മധ്യവയസ്‌കയുടെ ഹ്യദയം 12 കാരിക്കാണ് മാറ്റിവയ്ക്കുന്നത്. കൊല്ലം കരുനാഗപ്പള്ളി സ്വദേശിയായ അധ്യാപിക ഡാലിയയുടെ ഹൃദയമാണ് 12 വയസ്സുകാരിക്ക് മാറ്റിവെക്കുന്നത്.
ആന്തരിക രക്തസ്രാവത്തെ തുടർന്ന് ചികിത്സയിൽ ആയിരുന്ന ഡാലിയ. ഇന്നലെയാണ് ഡാലിയ്ക്ക് മസ്തിഷ്ക മരണം സംഭവിച്ചത്. തിരുവനന്തപുരം കിംസ് ആശുപത്രിയിലായിരുന്നു ഡാലിയ ചികിത്സയിൽ കഴിഞ്ഞിരുന്നത്.
കാർഡിയോ മയോപ്പതി ബാധിതയാണ് 12 കാരിയായ അനുഷ്ക. തിരുവനന്തപുരം കിംസ് ആശുപത്രിയില്‍ നിന്നും ശ്രീചിത്രയിൽ ഹൃദയം എത്തിച്ചു. ശസ്ത്രക്രിയ പുരോഗമിക്കുകയാണ്.
Share This Post
