തിരുവനന്തപുരം: കാരുണ്യ കേന്ദ്ര കമ്മിറ്റി ഓഫീസിന്റെ ഉദ്ഘാടനം ഭക്ഷ്യ പൊതുവിതരണ വകുപ്പ് മന്ത്രി ജി ആർ അനിൽ ഉദ്ഘാടനം ചെയ്തു. 2013 മുതൽ തിരുവനന്തപുരം ജില്ലയിലെ വിവിധ ഭാഗങ്ങളിൽ സാമൂഹ്യ പ്രതിബദ്ധതയോടെ വ്യത്യസ്തമായ പല പരിപാടികളും കാരുണ്യ റൂറൽ കൾച്ചറൽ ഡെവലപ്മെന്റ് സൊസൈറ്റി നടത്തിവരുന്നുണ്ട്. സെക്രട്ടറിയേറ്റിന് സമീപമുള്ള ഗാന്ധാരിയമ്മൻ കോവിലിനടുത്താണ് കേന്ദ്ര കമ്മറ്റി ഓഫീസ്.
അഡ്വ: വിഎസ് ശിവകുമാറിന്റെ അദ്ധ്യക്ഷതയിൽ ചേർന്ന ഉദ്ഘാടന ചടങ്ങിൽ ബിലീവേഴ്സ് തിരുവനന്തപുരം ഡയോസിസ് ആർച്ച് ബിഷപ്പ് മാത്യൂസ് മോർ സിൽവാനോസ്, പാളയം ജുമാ മസ്ജിദ് ചീഫ് ഇമാം ഡോ:വി.പി സുഹൈബ് മൗലവി, തമ്പാനൂർ വാർഡ് കൗൺസിലർ ഹരികുമാർ, സാമൂഹ്യ പ്രവർത്തകൻ എ. ജെ. സുക്കാർണോ, പ്രസിഡന്റ്‌ പൂഴനാട് സുധീർ, ജനറൽ സെക്രട്ടറി പനച്ചമൂട് ഷാജഹാൻ, ഫാദർ ബിനു മോൻ , വക്കം സുധ, സുബൈർ ഖാൻ കുളപ്പാടം,ഹുസൈൻഷാ ഇത്തിക്കര, രാജൻ സുലൈമാൻ പത്തനംതിട്ട, അൻവർ ഹുസൈൻ കെ. എസ് എന്നിവർ പ്രസംഗിച്ചു.
കാരുണ്യ പതിനൊന്നാം വാർഷിക പതിപ്പ് കാരുണ്യവീഥി കവർപേജ് മന്ത്രി ജി. ആർ. അനിൽ മുൻ മന്ത്രി അഡ്വ :വി. എസ്. ശിവ കുമാറിന് നൽകി പ്രകാശനം ചെയ്തു.
