തിരുവനന്തപുരം: മുതലപ്പൊഴിയിൽ വീണ്ടും വള്ളം മറിഞ്ഞ് അപകടം. അഞ്ചുതെങ്ങ് സ്വദേശി ജോബോയുടെ സിന്ദുയാത്ര മാതാ എന്ന വള്ളമാണ് അപകടത്തിൽപ്പെട്ടത്. അപകടത്തിൽ അഞ്ചുതെങ്ങ് സ്വദേശിയായ ബെനഡിറ്റിനെ (45) കാണാതായി.
ശക്തമായ തിരമാലയിൽ വള്ളം തലകീഴായി മറിഞ്ഞാണ് അപകടം സംഭവിച്ചത്. വള്ളത്തിൽ നാല് പേർ ഉണ്ടായിരുന്നു. മത്സ്യബന്ധനം കഴിഞ്ഞ് തിരികെ വരുമ്പോഴായിരുന്നു അപകടം സംഭവിച്ചത്. കാണാതായ ആൾക്കുള്ള തിരച്ചിൽ നടക്കുകയാണ്. മറ്റു മൂന്ന് പേരെയും മറൈൻ ഇൻഫോഴ്സ്മെന്റും മറ്റും ചേർന്ന് രക്ഷപ്പെടുത്തി.
Share This Post
