കോഴിക്കോട്: ബൈക്ക് അപകടത്തിൽ 19കാരന് ദാരുണാന്ത്യം. കോഴിക്കോട് കക്കോടി പടിഞ്ഞാറ്റുമുറി സ്വദേശി ഷാനവാസ്(19) ആണ് മരിച്ചത്. നിയന്ത്രണം വിട്ട് വന്ന ബൈക്ക് രണ്ട് കാൽനടയാത്രക്കാരെയും ഇടിച്ചിട്ട ശേഷം മതിലിൽ ഇടിച്ച് മറിയുകയായിരുന്നു.
വെള്ളയിൽ ഭട്ട് റോഡിൽ വച്ചാണ് അപകടം നടന്നത്. ബൈക്കിൽ ഷാനവാസിനൊപ്പം ഒരാൾ കൂടി ഉണ്ടായിരുന്നു. കൂടെ ഉണ്ടായിരുന്ന ആൾക്കും രണ്ടു കാൽനട യാത്രക്കാർക്കും പരിക്കേറ്റു. അപകടം നടന്നയുടനെ ഷാനവാസിനെ കോഴിക്കോട് ജനറൽ ആശുപത്രിയിലെത്തിച്ചെങ്കിലും ജീവൻ രക്ഷിക്കാനായില്ല.
Share This Post
