തിരുവനന്തപുരം: സംസ്ഥാനത്ത് സ്വർണവില വീണ്ടും കുതിക്കുന്നു. ഗ്രാമിന് 60 രൂപയാണ് ഇന്ന് വർധിച്ചത്. ഇതോടെ ഒരു ഗ്രാമ സ്വർണ്ണത്തിനു 7,060 രൂപയായി. ഒരു പവൻ സ്വർണ്ണത്തിനു 480 രൂപ വർധിച്ച് 56,480 രൂപയാണ് ഇന്നത്തെ നിരക്ക്.
കേരളത്തിലാദ്യമായാണ് സ്വർണ്ണത്തിന്റെ വില ഇത്രയും വർധിക്കുന്നത്. ഒരു ഗ്രാം 18 കാരറ്റ് സ്വർണ്ണത്തിന്റെ വില 5840 രൂപയായി. ഇതോടെ ഈ മാസം മാത്രം 3,100 രൂപയിലേറെയാണ് സ്വർണ്ണ വിലയിൽ വർധനവുണ്ടായത്. ഇന്നലെ ഗ്രാമിന് 21 രൂപയാണ് വർധിച്ചത്. ഇന്നലെ ഒരു ഗ്രാം സ്വർണ്ണത്തിന് 7,000 രൂപയും പവന് 160 രൂപ വർധിച്ച് 56,000 രൂപയുമായിരുന്നു.
Share This Post
