ഷിരൂർ: ഷിരൂരിൽ ഗംഗാവലി പുഴയിൽ നിന്നെടുത്ത ലോറിയിൽ കണ്ടെത്തിയ മൃതദേഹത്തിന്റെ ഡി എൻ എ ഫലം പുറത്ത്. കോഴിക്കോട് കണ്ണാടിക്കൽ സ്വദേശി അർജുന്റേത് തന്നെ ആണെന്ന് ഡി എൻ എ ഫലം. ഫലം പുറത്തുവന്നതിന് പിന്നാലെ മൃതദേഹം നാട്ടിലെത്തിക്കാനുള്ള നടപടിക്രമങ്ങൾക്ക് ആരംഭിക്കും.
നാളെ രാവിലെയോടെ മൃതദേഹം വീട്ടിലേക്ക് എത്തിക്കാൻ ആകുമെന്നാണ് പ്രതീക്ഷ. ഷിരൂരിലെ നടപടിക്രമങ്ങൾ ഏറെ വൈകാതെ തന്നെ കഴിയും. ഇന്ന് വൈകിട്ടോടെ അർജുന്റെ മൃതദേഹം ബന്ധുക്കൾക്ക് വിട്ടുനൽകും. നാളെ രാവിലെ എട്ടു മണിയോടെ മൃതദേഹം കോഴിക്കോട്ടെ അർജുന്റെ വീട്ടിലെത്തിക്കും.
അര്‍ജുന്റെ സഹോദരന്റെ ഡിഎന്‍എ സാംപിളുമായാണ് ഷിരൂരില്‍ നിന്ന് കണ്ടെത്തിയ ശരീരഭാഗങ്ങളുടെ ഡിഎന്‍എ ഒത്തുനോക്കിയത്. അര്ജ്ജുന്റെ മൃതദേഹം നാട്ടിലെത്തിക്കാനുള്ള മുഴുവൻ ചിലവുകളും കർണാടക സർക്കാർ വഹിക്കും.
Share This Post
