കോഴിക്കോട്: സാഹിത്യകാരൻ എംടി വാസുദേവൻ നായരുടെ വീട്ടിൽ നടന്ന മോഷണ കേസിൽ രണ്ടു പേരെ കസ്റ്റഡിയിലെടുത്ത് പോലീസ്. ഒരു സ്ത്രീയെയും പുരുഷനെയുമാണ് പോലീസ് കസ്റ്റഡിയിൽ എടുത്തത്. ഇവരെ ചോദ്യം ചെയ്തു വരികയാണ്.
ഇവരിൽ ഒരാൾ എം ടിയുടെ വീട്ടിൽ ജോലിക്ക് നിൽക്കുന്ന ആളാണ്. മറ്റെയാൾ ഇവരുടെ ബന്ധുവാണ്. കഴിഞ്ഞ ദിവസമാണ് എം ടി വാസുദേവൻ നായരുടെ നടക്കാവ് കൊട്ടാരം റോഡിലെ ‘സിതാര’ വീട്ടിൽ മോഷണം നടന്നുവെന്ന് ആരോപിച്ച് പരാതി നൽകിയത്.
എംടിയുടെ ഭാര്യ സരസ്വതിയാണ് നടക്കാവ് പൊലീസിൽ അപ്രതി നൽകിയത്. എംടിയും ഭാര്യയും വീട്ടിൽ ഇല്ലാത്ത സമയത്താണ് മോഷണം നടന്നതെന്നാണ് വിവരം. 26 പവൻ സ്വർണമാണ് നഷ്ടപ്പെട്ടത്.
Share This Post
