കൊച്ചി: നടൻ ശ്രീനാഥ് ഭാസിയുടെ ലൈസൻസ് സസ്പെൻഡ് ചെയ്തു. ഒരു മാസത്തേക്കാണ് സസ്പെൻഡ് ചെയ്തത്. പൊലീസ് കേസ് എടുത്തതിന്റെ അടിസ്ഥാനത്തിലാണ് മോട്ടോർ വാഹന വകുപ്പിന്റെ നടപടി. അപകടമുണ്ടാക്കിയതിന് ശേഷം വാഹനം നിർത്താതെ പോയി എന്ന പരാതിയിൽ പോലീസ് കേസ് രജിസ്റ്റർ ചെയ്തിരുന്നു.
എറണാകുളം ആർടിഒയാണ് നടപടിയെടുത്തിരിക്കുന്നത്. മാത്രമല്ല മോട്ടോർ വാഹനവകുപ്പിന്റെ പരിശീലന ക്ലാസിലും പങ്കെടുക്കാൻ നിർദേശമുണ്ട്. കഴിഞ്ഞ മാസം ആയിരുന്നു കേസിനാസ്പദമായ സംഭവം നടന്നത്. സ്കൂട്ടർ ഉടമയായ മട്ടാഞ്ചേരി സ്വദേശി മുഹമ്മദ് ഹമീം നൽകിയ പരാതിയിലാണ് കൊച്ചി സെൻട്രൽ പൊലീസാണ് കേസെടുത്തത്. രാത്രിയിൽ അമിത വേഗതയിലെത്തിയ കാർ സ്കൂട്ടറിലിടിക്കുകയും തുടർന്ന് കാർ നിർത്താതെ പോകുകയുമായിരുന്നു.
Share This Post
