തിരുവനന്തപുരം: തിരുവനന്തപുരം പത്മനാഭസ്വാമി ക്ഷേത്രത്തിൽ മോഷണം. വ്യാഴാഴ്ചയാണ് ക്ഷേത്രത്തിൽ മോഷണം നടന്നത്. സംഭവത്തിൽ പ്രതികൾ പിടിയിലായി.
ശ്രീകോവിലിലെ നിവേദ്യ ഉരുളിയാണ് മോഷണം പോയത്. അതീവസുരക്ഷാ മേഖലയിലാണ് മോഷണം നടന്നത്. സംഭവത്തിൽ ഹരിയാന സ്വദേശികളായ മൂന്ന് പേരെ പോലീസ് പിടികൂടിയത്. ഒരു പുരുഷനും രണ്ട് സ്ത്രീകളുമാണ് ഫോർട്ട് പോലീസിന്റെ പിടിയിലായത്.
സിസിടിവി പരിശോധിച്ചതിൽ നിന്നാണ് പ്രതികളെ തിരിച്ചറിഞ്ഞത്. നിലവിൽ പ്രതികളെ ഹരിയാനയിൽ നിന്നും ഡൽഹിയിൽ എത്തിച്ചിരിക്കുകയാണ്. ഇവിടെ നിന്ന് വിമാന മാർഗം പ്രതികളെ തിരുവനന്തപുരത്ത് എത്തിക്കും.
Share This Post
