തിരുവനന്തപുരം: വിഴിഞ്ഞത്ത് തലയോട്ടിയും അസ്ഥികൂടവും കണ്ടെത്തി. വിഴിഞ്ഞം ചപ്പാത്ത് ചന്തയ്ക്ക് സമീപമാണ് കണ്ടെത്തിയത്. ഇന്നലെ വൈകിട്ട് മൂന്ന് മണിയോടെയാണ് സംഭവം. കയറിൽ കെട്ടിത്തൂങ്ങിയ നിലയിൽ ഇവ കണ്ടെത്തിയത്. തുറമുഖ കമ്പനി ഏറ്റെടുത്ത വിജനമായ സ്ഥലത്ത് നിന്നാണ് അസ്ഥികൂടം കണ്ടെത്തിയത്.
മൃതദേഹത്തിന് രണ്ട് മാസത്തെ പഴക്കമുള്ളതായി പൊലീസ് പറഞ്ഞു. കോട്ടുകാൽ പുന്നക്കുളം കുരുവിത്തോട്ടം എ.എസ്. ഭവനിൽ കൃഷ്ണൻകുട്ടി (60) യുടെ മൃതദേഹമാണ് കണ്ടെത്തിയത്. മൂന്ന് മാസം മുമ്പാണ് ഇയാളെ കാണാതായത്. ആഗസ്റ്റ് 29നാണ് വീട്ടിൽ നിന്നാണ് കൃഷ്ണന്കുട്ടിയെ വീട്ടിൽനിന്ന് കാണാതായത്.
തുടർന്ന് സെപ്റ്റംബർ മൂന്നിന് ബന്ധുക്കൾ വിഴിഞ്ഞം പൊലീസിൽ പരാതിയും നൽകിയിരുന്നു. അതിനു ശേഷം ഇന്നലെയാണ് മൃതദേഹം കണ്ടെത്തിയത്. ആദ്യം തലയോട്ടിയും അസ്ഥികൂടവും മാത്രമാണ് കണ്ടത്. ഇതേ തുടർന്ന് ഇവർ പോലീസിൽ വിവരമറിയിക്കുകയായിരുന്നു. തുടർന്ന് നടത്തിയ അന്വേഷണത്തിലാണ്സ്ഥ ലത്ത് നിന്ന് ഇയാളുടെ ആധാർ കാർഡ് കണ്ടെടുത്തത് ഫോറൻസിക് പരിശോധനക്ക് ശേഷം മൃതദേഹം പോസ്റ്റ്മോർട്ടത്തിനായി മെഡിക്കൽ കോളേജിലെക്ക് മാറ്റി.
