തിരുവനന്തപുരം: വർക്കലയിൽ കടലിൽ കുളിക്കാനിറങ്ങി കാണാതായ ഐടി വിദ്യാർത്ഥിയുടെ മൃതദേഹം കണ്ടെത്തി. ബംഗ്ലൂരു സ്വദേശിയായ നെൽസൺ ജെയ്സൺ (28) ആണ് മരിച്ചത്. ഇന്നലെ വൈകുന്നേരമാണ് വർക്കലയിൽ ബീച്ചിൽ കുളിക്കാനിറങ്ങിയ രണ്ട് വിദ്യാർത്ഥികൾ തിരയിൽ അകപ്പെട്ടത്. ഒരാളുടെ മൃതദേഹം ഇന്നലെ തന്നെ കണ്ടെത്തിയിരുന്നു.
ഇന്ന് രാവിലെയാണ് കോസ്റ്റൽ പൊലീസ് നെൽസൺ ജെയ്സണിന്റെ മൃതദേഹം കണ്ടെടുത്തത്. വർക്കല ആലിയിറക്കം ബീച്ചിലാണ് വിദ്യാർഥിക്കൾ കുളിക്കാൻ ഇറങ്ങിയത്.ഐ ടി വിദ്യാർഥികളായ പെൺകുട്ടികൾ ഉൾപ്പെടെ നാലംഗ സംഘമാണ് ബീച്ചിൽ എത്തിയത്.
ഇതിൽ രണ്ടു പേർ തിരയിൽ പെടുകയായിരിക്കുന്നു. മറ്റു വിദ്യാർഥികളെ നാട്ടുകാരും ലൈഫ് ഗാർഡുകളും ചേർന്നാണ് രക്ഷപ്പെടുത്തിയത്. ഇവരെ വർക്കലയിലെ സ്വകാര്യ ആശുപത്രിയിൽ പ്രവേശിപ്പിച്ചിരിക്കുകയാണ്.
Share This Post
