കൊല്ലം: കൊല്ലത്ത് നിർമാണത്തിലിരുന്ന പാലം തകർന്നു വീണു. അയത്തിലിൽ ഹൈവേ വികസനത്തിന്റെ ഭാഗമായി ചൂരാങ്കൽ പാലത്തിന് സമീപം നിർമ്മാണം നടക്കുന്ന പാലമാണ് തകർന്നു വീണത്. ഇന്ന് ച്ചയ്ക്ക് 1മണിക്ക് ശേഷമാണ് അപകടമുണ്ടായത്. അപകടം നടക്കുന്ന സമയം നിർമ്മാണ തൊഴിലാളികൾ സ്ഥലത്ത് ഉണ്ടായിരുന്നു. എന്നാൽ ആരും പരിക്കില്ല.
പാലത്തിൽ കോൺക്രീറ്റ് ജോലി നടക്കുന്നതിനിടെ ആയിരുന്നു അപകടം. പാലം താഴേക്ക് വീഴുന്ന സമയത്ത് തൊഴിലാളികൾ ഓടിമാറി. ഇതിനാൽ വൻ അപകടം ഒഴിവായി. തകർന്ന് വീണ പാലം അഴിച്ചുമാറ്റി അധികൃതർ തുടർനടപടിയിലേക്ക് കടന്നിട്ടുണ്ട്. പാലത്തിന്റെ നടുഭാഗം താഴേയ്ക്ക് അമർന്നു പോകുന്ന അവസ്ഥയാണുണ്ടായത്.
Share This Post
