തിരുവനന്തപുരം: തിരുവനന്തപുരത്ത് ബൈക്കപകടത്തിൽ പരിക്കേറ്റ് ചികിത്സയിലായിരുന്ന പ്ലസ് ടു വിദ്യാർഥി മരിച്ചു. വേളാവൂർ സ്വദേശി അമീനാണ് (18) മരിച്ചത്. നവംബർ 17 ന് ആണ് അപകടം നടന്നത്.
വേളാവൂർ പാലത്തിനു സമീപത്തു വച്ച് വൈകുന്നേരം ആറു മണിയോടെയാണ് സംഭവം. സുഹൃത്തിനൊപ്പം വെള്ളാണിക്കൽ പാറ കാണാൻ പോയതായിരുന്നു അമീൻ. തിരികെ വരുന്നവഴി ഇവരുടെ വാഹനം വേളാവൂർ പാലത്തിനു സമീപത്തു വെച്ച് മറ്റൊരു ബൈക്കുമായി കൂട്ടിയിടിക്കുകയായിരുന്നു.
അപകടത്തിൽ തലയ്ക്ക് ഗുരുതരമായി പരിക്കേറ്റ അമീനെ തിരുവനന്തപുരം മെഡിക്കൽ കോളേജ് ആശുപത്രിയിലും തുടർന്ന് അനന്തപുരി ആശുപത്രിയിലും പ്രവേശിപ്പിച്ചെങ്കിലും ഇന്ന് രാവിലെയോടെ മരണം സംഭവിക്കുകയായിരുന്നു.
വേളാവൂർ, കിണറ്റുമുക്ക്, സലീം – ഷാഹിദ ദമ്പതികളുടെ മകനും കഴക്കൂട്ടം, കരിയിൽ ഷാഹിദ മൻസിലിൽ കെ.ഇബ്രാഹിമിൻ്റെയും ബീമാ ബീവിയുടെയും ചെറുമകനാണ് മരിച്ച അമീൻ.
Share This Post
