ഇടുക്കി: വീണ്ടും കാട്ടാന ആക്രമണം. കാട്ടാന ആക്രമണത്തിൽ ഒരാൾ മരിച്ചു. മറയൂരിലാണ് സംഭവം. മറയൂർ ചമ്പക്കാട്ടിൽ ആദിവാസി വിഭാഗത്തിൽ പെട്ട വിമൽ( 57) ആണ് മരിച്ചത്. ഫയർ ലൈൻ ഇടാൻ പോയതായിരുന്നു വിമൽ.
ഇതിനിടയിൽ വിമലിനെ ആന ആക്രമിച്ച് കൊലപ്പെടുത്തുകയായിരുന്നു. ചിന്നാർ വന്യജീവി സങ്കേതത്തിന് അകത്താണ് സംഭവം. ഒൻപത് പേരടങ്ങുന്ന സംഘമാണ് ഫയർ ലൈൻ ഇടാൻ കാട്ടിൽ പോയത്. ഇന്ന് രാവിലെയാണ് സംഭവം നടന്നത്. വിമലിനെ ഉടൻ തന്നെ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല.
Share This Post
