തിരുവനന്തപുരം: ലോകപരിസ്ഥിതി ദിനത്തിൽ ” ഒരു മരം നടൂ, ഒരു കാഴ്ച പകരൂ”( Plant a Tree, Gift a Sight) ക്യാമ്പെയിനുമായി ദിവ്യ പ്രഭ ഐ ഹോസ്പിറ്റൽ. നേത്രപരിശോധനയ്ക്ക് എത്തിയവർക്കും സമീപത്തെ റസിഡൻ്റ് അസോസിയേഷനുകളിലും വൃക്ഷതൈകൾ വിതരണം ചെയ്താണ് ക്യാമ്പെയിനു തുടക്കമായത്. ഹോസ്പിറ്റൽ ചെയർപേഴ്സൺ ഡോ. സുശീല പ്രഭാകരൻ വിതരണോദ്ഘാടനം നിർവഹിച്ചു.
പരിസ്ഥിതി ദിനാചരണം മാനേജിംഗ് ഡയറക്ടർ ഡോ. ദേവിൻ പ്രഭാകർ ഉദ്ഘാടനം ചെയ്തു. പ്രകൃതിയോടുള്ള ഉത്തരവാദിത്വം ഓരോരുത്തർക്കും ബാധകമാണ്. ഓരോ മരവും നമ്മുടെയും വരുംതലമുറയുടെയും ശ്വാസവായുവാണ്.
ഇന്ന് നാം നടുന്ന തൈകൾ നാളെയുടെ ഹരിത കേരളത്തിലേക്ക് ചേർക്കുന്ന മനോഹര സംഭാവനകളാന്നെന്നും പച്ചപ്പിൽ മൂടിയ നമ്മുടെ നാടിന്റെ പ്രകൃതിസൗന്ദര്യം സംരക്ഷിക്കാനും നമ്മൾ അനുഭവിച്ച തണലും ഗൃഹാതുരത്വവും വരുംതലമുറകളിലേക്കും പകർന്നു നൽകുന്നതിനുമായി എല്ലാവരും ഈ ക്യാമ്പയിനിന്റെ ഭാഗമാകണമെന്ന് ഡോ. ദേവിൻ പറഞ്ഞു.
ഡയറക്ടർ ഡോ. കവിത ദേവിൻ അദ്ധ്യക്ഷത വഹിച്ച ചടങ്ങിൽ പടിഞ്ഞാ റ്റിൽ റസിഡൻ്റ് സ് അസോസിയേഷൻ പ്രസിഡൻ്റ് സന്തോഷ് , സെക്രട്ടറി ജിബു. ജി, ഹോസ്പിറ്റൽ പി.ആർ. ഒ വിഘ്നേഷ് രാജ് കെ. വി എന്നിവർ സംസാരിച്ചു.
ആശുപത്രി ജീവനക്കാരും നാട്ടുകാരും ചടങ്ങിൽ പങ്കാളികളായി. നൂറിലധികം പേർ ആശുപത്രിയിലെത്തി വൃക്ഷതൈകൾ ഏറ്റുവാങ്ങി.
